プロロ－グ
 Prologue

2001年殘夏, 泰利正苦惱同女友第一次外遊應該去邊度好, 突然靈光一閃~~~~~ 同女友第一次外遊梗係去啲浪漫嘅地方啦! 由於喺老土怪泰利心目中浪漫同雪景永遠打咗等號, 加上泰利女友從未踏足東瀛, 這樣那樣如此這般就選擇咗北海道喇!

去日航天地攪掂個札幌package同埋JR Pass, 再上網book埋跟住幾晚嘅酒店, 一切準備就緒... ... 喇咩!? 咦? 咁行程呢? 哈~哈~ 係冇嘅! 橫掂都有地方落腳又有Pass, 到時想去邊咪去邊囉! 幾free呀! ＯＫ! 出發!